Ижтимоий тармоқларда огоҳлик зарурати
25

Бугунги кунда ижтимоий тармоқлар ахборот алмашинувининг асосий воситаларидан бирига айланган. Бироқ уларда турли мутаассиб ғояларга эга шахслар ҳам учраб туради. Бундай шахслар кескин, бир томонлама фикрлар тарқатиб, бошқаларни ҳам ўз таъсирига тортишга уринишади.
Ижтимоий тармоқдаги мутаассиблик кўпинча нотўғри маълумотлар, манипуляция ва ҳурматсиз мулоқот орқали намоён бўлади. Бу эса ёшлар онгига салбий таъсир кўрсатиб, низо ва тушунмовчиликларни кучайтириши мумкин.
Бундай таъсирдан ҳимояланиш учун ҳар бир инсон танқидий фикрлашни ривожлантириши, маълумотларни текширмасдан қабул қилмаслиги лозим. Шунингдек, ишончли манбалардан фойдаланиш ва соғлом маънавий муҳитда бўлиш муҳим аҳамиятга эга.
Хулоса қилиб айтганда, ижтимоий тармоқдаги мутаассиб ғояларга нисбатан огоҳлик ва билимлилик —жамият тинчлиги ва барқарорлиги учун муҳим омилдир.
Азамат Усмонов
