Qur’ondagi ilmiy mo‘jizlar turkumi

 

Qur’oni karim nozil bo‘lgandan to qiyomatgacha har jabhada insoniyatni ojiz qoldirishda davom etadi. Tibbiyotda bo‘lsin, adabiyotda bo‘lsin, sheriyatda bo‘lsin yoki boshqa turli sohalarda bo‘lsada hech bir sohada Qur’oniy mo‘jizlarga teng kelib bo‘lmaydi. Ana shunday ojiz qoldirishlardan biri tibbiyotga oid ilmiy mo‘jiza bilan tanishib chiqamiz.

Alloh taolo shunday marhamat qiladi:

““Va ular tanlagan mevalardan va xohlagan qushlarning go‘shtidan (yerlar)” (Voqea surasi, 20-21-oyatlar).

Boshqa oyatida esa Alloh taolo shunday degan: “Va ularga xohlagan meva va go‘shtlaridan rizq berdik” (Tur surasi, 22-oyat)”.

Payg‘ambar sollallohu alayhi vasallam Ramazon oyida go‘sht o‘rniga xurmo bilan ro‘zani ochishga ko‘rsatma berganlar. Salmon ibn Omir Payg‘ambar sollallohu alayhi vasallamning: “Sizlardan biringiz ro‘zasini ochsa, xurmo bilan ochsin, chunki u barakadir. Agar xurmo topa olmasa, suv ichsin, chunki u poklovchidir”, deganlarini rivoyat qilganlar (Sunani Termiziy).

Olimlar Qur’onning jannat taomlarini tasvirlovchi oyatlari ustida mulohaza yuritgan kishi, Alloh avval mevalarni, keyin go‘shtni tilga olganini ko‘rishini ta’kidlashgan. Bu shunchaki tartib emas, balki unda katta tibbiy hikmat bor, chunki meva tarkibida oson so‘riladigan va hazm bo‘ladigan oddiy shakarlar mavjud va u tana hujayralari uchun asosiy energiya manbai hisoblanadi. Shuning uchun u ochlikni ketkazadi. Agar inson avval go‘sht iste’mol qilishdan boshlasa, organizmga so‘rilish jarayonini yakunlash uchun uch soat kerak bo‘ladi.

Olimlarning tushuntirishicha, oddiy shakarlardan eng tez foyda ko‘radigan hujayralar orasida ichak devorlarini qoplaydigan hujayralar va ichak villilaridir. Bu hujayralar mevalardan shakarni qabul qilganda tezda faollashadi va mevadan keyin iste’mol qilinadigan turli xil oziq-ovqatlarni o‘zlashtirishda o‘z vazifalarini optimal ravishda bajarishga tayyor bo‘ladi.

Oziqlanish bo‘yicha mutaxassislar ovqatdan keyin meva iste’mol qilish kraxmallarni hazm qilish uchun zarur bo‘lgan ptyalin fermentini yo‘q qilishini tasdiqladilar. Yaqinda Shvetsariyada o‘tkazilgan tadqiqot shuni ko‘rsatdiki, ovqat oxirida meva iste’mol qilish zahar dozasini iste’mol qilishga o‘xshaydi, chunki meva to‘g‘ri hazm bo‘lishi uchun oshqozondan sekin o‘tishi kerak. Biroq, u go‘sht bilan aloqa qilganda, u oshqozonda fermentlanadi (achidi) va alkogolga aylanishi mumkin, bu esa ovqat hazm qilish jarayoniga xalaqit beradi.

Tadqiqot shuningdek, bir vaqtning o‘zida meva vitaminlarini yo‘qotishini, oqsil almashinuvi buzilishini va bu shish paydo bo‘lishiga olib kelishini ko‘rsatdi.

Tadqiqotni olib borayotgan shifokorlar ovqatdan bir soat oldin, ovqatdan uch soat keyin meva iste’mol qilishni yoki to‘liq meva iste’mol qilishni maslahat berishadi. Buning hikmati Alloh taoloning quyidagi so‘zlarida yaqqol ko‘rinib turibdi: “Va ular tanlagan mevalar va xohlagan parranda go‘shti” (Voqea surasi, 20-21-oyatlar).

Ushbu oyati karima hozir zamon tibbiyoti isbot qilgan narsaga muvofiq keladi. Asosiy taomlardan oldin meva-chevalardan tanovul qilish ahamiyatga ega ekanini ilm isbotlagan.

Demak, mevani oldin istemol qilishning foydalaridan biri;

  • Ovqatning tez hazm bo‘lishi. Mevalar tarkibida oson so‘riladigan va murakkab hazm qilish jarayonlarini talab qilmaydigan oddiy monosaxaridlar mavjud, shuning uchun ular oshqozondan ichaklarga tezda o‘tadi.
  • Fermentatsiyadan (achish) saqlash. Agar odam avval go‘sht iste’mol qilishdan boshlasa, so‘ng hazmi taom uchun meva yesa, hazm qilish jarayoni uzoq vaqtni talab etadi, bu esa mevalarning orqasida qolib, fermentatsiyasiga (achish) olib keladi va hazm jarayoni qiyinlashuvi va qorin shishishni keltirib chiqaradi.
  • Oshqozonni tayyorlash. Meva tanani tez energiya bilan ta’minlash, ovqat hazm qilish tizimini namlash va keyinchalik og‘ir ovqat (go‘sht) qabul qilishga tayyorlashni boshlaydi.

Agar biz buning foydalarini sanab chiqsak, yana sanashimiz mumkin. Bularning birgina Qur’oniy oyatda kelgan insonni ojiz qoldiruvchi ilmiy mo‘jizalardan sanaladi. Qur’oni karimda har bir harf, kalima, jumla va oyatlarning turli mo‘jizlari mavjud. Bularning barchasi Qur’on Buyuk Yagona Zot Alloh taoloning kalomi ekaniga yaqqol dalil bo‘ladi!!!.

Muhibullayev Saidmuhammadxon tayyorladi