Yot g‘oyalarning yoshlar ongiga ta’siri

82

Yoshlar — jamiyatning eng faol va ta’sirchan qatlami. Shu bois yot g‘oyalar aynan yoshlar ongiga kirib borishga urinadi. Internet, ijtimoiy tarmoqlar va turli axborot manbalari orqali tarqatilayotgan bunday g‘oyalar milliy qadriyatlar, sog‘lom tafakkur va mustaqil fikrga salbiy ta’sir ko‘rsatishi mumkin. Ayniqsa, hayotiy tajribasi kam yoshlar noto‘g‘ri axborotni haqiqat deb qabul qilib, uning qurboniga aylanib qolish xavfi bor.

Yot g‘oyalar yoshlarda befarqlik, agressiya, yoki aksincha, asossiz radikal qarashlarni shakllantirishi mumkin. Bu esa shaxsiy rivojlanishga to‘siq bo‘lib, jamiyatda ijtimoiy ixtiloflarni kuchaytiradi. Shuning uchun yoshlarda tanqidiy fikrlash, axborotni tahlil qilish va milliy-ma’naviy immunitetni mustahkamlash muhim ahamiyatga ega.

Xulosa qilib aytganda, yot g‘oyalarga qarshi kurashishda ta’lim-tarbiya, oila va jamiyatning o‘rni beqiyos. Yoshlarni sog‘lom dunyoqarash, bilim va ma’naviy qadriyatlar asosida tarbiyalash orqali bunday salbiy ta’sirlarning oldini olish mumkin.

Sirojiddin JAHONOV
Xoja Buxoriy islom ta’lim muassasasi o’qituvchisi