Yangiliklar
397

Xoja Buxoriy” o‘rta maxsus islom bilim yurti axborot - resurs markazi tomonidan bilim yurtining "Yosh ilmiy tadqiqotchi" talabalari bilan Moturidiya ta’limoti: tarix va bugun mavzusida davra suhbati bo‘lib o‘tdi.
Unda bilim yurtining ma’naviy-ma’rifiy ishlari bo‘yicha mudir o‘rinbosari M. Qosimov va aqoid fani bo‘yicha malakali mutaxassis, ustozimiz Maxtumquli domla Toshqulovlar ishtirok etishdi.
Davra suhbatini ARM mudiri A. Usmonov kirish so‘zi bilan ochib, Abu Mansur al-Moturidiy as-Samarqandiyning ilohiyot ilmlarida o‘z davrining yetuk allomasi ekanligi, u zotning ustoz va shogirdlari hamda sof islom aqidasini saqlash borasida yozgan asarlari haqida ma’ruza qildi.
Shundan so‘ng, ustozimiz Maxtumquli domla hazratlari Moturidiya ta’limotining tarixi va bugungi kundagi ahamiyati haqida ma’ruza qildilar. Jumladan, Imom al-Moturidiy hazratlari yashagan davr – to‘qqizinchi asrning ikkinchi, o‘ninchi asrning birinchi yarmi – tom ma’noda islomiy ilmlar va ma’rifatining turli sohalari qatori kalom ilmi ham gullab-yashnaganligi, kalom ilmidagi dastlabki yirik yo‘nalish - mu’tazila oqimi va undan keyin paydo bo‘lgan qator oqimlar - jahmiylar, qaramiylar, murji’lar va boshqa toifalar iymon-z’tiqod va bilish nazariyasidagi xato qarashlariga aqliy dalil va isbotlarga tayangan holda islom dini aqidasining sofligini himoya qilish va hidoyat yo‘lidan adashgan mazkur oqimlarga qarshi qurashgani haqida to‘xtalib o‘tdilar.
Ustoz hazratlari so‘zlarini yakunida talabalarga Moturidiya ta’limoti tarixini mukammal o‘qib-o‘rganishlari va bu boradagi ilmlarni egallashda buzg‘unchi g‘oyalardan ehtiyot bo‘lishlari lozimligi haqida ta’kidlab o‘tdilar.


Davra suhbati yakunida axborot – resurs markazi mudiri A. Usmonov tomonidan talabalarga Imom al-Moturidiy hazratlarining hayoti va faoliyatlari qisqacha yoritilgan bukletlar tarqatildi. Shuningdek, talabalarga Imom al-Moturidiy hazratlarining ilmiy faoliyatlarini yorituvchi maqolalar va ma’ruzalar tayyorlab kelish ta’kidlandi hamda keyingi davra suhbatimiz Hanafiy mazhabining tarixi va buguni mavzusida bo‘lishi eslatib o‘tildi.

Bilim yurti matbuot xizmati
Muallif: Админ
Sana: 25.02.2020
3
395

2020 yil 20 fevral “Xoja Buxoriy” o‘rta maxsus islom bilim yurti talabalari uchun esda qolarli kun bo‘ldi. Shu kuni Qashqadaryo viloyati hokimining diniy masalalar bo‘yicha o‘rinbosari I. Arziqulov va O‘zbekiston musulmonlari idorasi Qashqadaryo viloyati vakili R. Usmonovlar bilim yurtiga tashrif buyurib, talabalar bilan ochiq muloqot o‘tkazdi.

Unda talaba yoshlar hayotidagi muammolar, dolzarb vazifalar muhokama qilindi. Talabalarning dardi tinglanib, ularni qiziqtirgan savollarga to‘laqonli javob berildi.
Uchrashuvda bugungi globallashuv davrida inson ongi va qalbi uchun jiddiy kurash ketayotganligi, turli manfaatlar to‘qnash kelgan va shunga xizmat qiladigan axborot xurujlari ko‘paygan bir sharoitda undan himoyalanishning birdan-bir yo‘li bu sog‘lom fikr yuritish, hamisha hushyor va ogoh bo‘lishlik ekani ta’kidlandi. Shuningdek bu borada mamlakatimizda bir qancha ijobiy ishlar amalga oshirilib kelayotgani, diniy ta’lim sohasi tubdan isloh qilinib, yangi o‘quv dargohlari ochilayotgani haqida to‘xtalib o‘tdilar.
Ma’ruzachilar mamlakatimizda davlatning din va diniy tashkilotlar bilan o‘zaro munosabati, islom dinining tinchlikparvarlik mohiyati hamda islom dinida mutaassiblik va jaholatning qoralanishi borasida fikr mulohaza olib bordilar.

Bilim yurti matbuot xizmati

Muallif: Админ
Sana: 20.02.2020
25
393

Insonning ma’naviy va aqliy xislatlarini, asosan, uning olgan tarbiyasi, yashagan muhiti belgilaydi. Yaxshi tarbiya insonning eng qimmatli boyligi bo‘ladi. Shuning uchun oila tarbiyasiga katta ahamiyat beriladi. Oilada to‘g‘ri yo‘lga qo‘yilgan tarbiya keyingi ta’limi uchun katta madaddir.

Hadisi sharifda shunday marhamat qilinadi: Kishining ŭz farzandini chiroĭli odob-axloq bilan tarbiyalashi kŭp miqdordagi nafl sadaqa berishidan yaxshiroqdir". Boshqa bir hadisda: "Ota bolaga gŭzal odobdan yaxshiroq narsani bera olmaĭdi".
Albatta, farzand odobli, yaxshi fazilatlar sohibi, itoatkor va qobil bŭlgandagina ota-onasiga rahmat va baxt-xursandchilik keltiradi.
2020 yil 17 fevral kuni “Xoja Buxoriy” o‘rta maxsus islom bilim yurtida ta’lim-tarbiya olish davomida barcha fanlarni «a’lo» baholarga o‘zlashtirib, bilim yurtining ma’naviy-ma’rifiy va jamoat ishlarida faol ishtirok etgan, namunali xulqi bilan tengdoshlariga o‘rnak bo‘layotgan 73 nafar talabalarning ota – onalariga shunday farzandni tarbiyalab, voyaga yetkazgani uchun bilim yurti jamoasi nomidan minnatdorchilik bildirilib, tashakkurnoma izhor etildi. Shuningdek, mazkur talabalar va ularga ta’lim-tarbiya berayotgan bir guruh o‘qituvchilarni rag‘batlantirish maqsadida bilim yurti tomonidan qimmatbaho sovg‘alar ulashildi.
O‘ylaymizki, talabalarimiz bundan keyin ham diniy va milliy qadriyatlarimizni hurmat qilgan holda sof islom aqidasida sobit turib, yurtimiz ravnaqi, xalqimiz farovonligi, tinchligi uchun o‘z kuch-g‘ayratini ayamaydigan, xalq dardi bilan yashaydigan inson bo‘lib yetishadi.

Bilim yurti matbuot xizmati

Muallif: Админ
Sana: 17.02.2020
40
387

2020 yil 8 fevral kuni “Xoja Buxoriy” oʼrta maxsus islom bilim yurti majlislar zalida Buyuk oʼzbek shoiri, mutafakkir, davlat arbobi Аlisher Navoiy hamda oʼzbek mumtoz adabiyotining yirik vakili, buyuk shoir, davlat arbobi, sarkarda Zahiriddin Muhammad Bobur tavalludiga bagʼishlangan “Аdabiyotimizning yetuk namoyondalari” mavzusida badiiy kecha boʼlib oʼtdi. Oʼtkazilgan tadbirda bilim yurti oʼqituvchi, talabalari va mehmonlar ishtirok etishdi.

Tadbir avvalida bilim yurti mudiri Gʼuzarov Oʼtkir kirish soʼzi bilan ochib, yurtimizda Аlisher Navoiy xotirasi yuksak darajada eʼzozlanadi. Bir viloyat, shahar, oliy oʼquv yurti (Samarqand davlat universiteti), Toshkentdagi Davlat kutubxonasi, Oʼzbekiston Fanlar akademiyasi Til va adabiyot instituti, Аdabiyot muzeyi, Toshkentdagi Katta akademik opera va balet teatri, Sanʼat saroyi, Toshkentdagi metro bekati, oʼnlab koʼchalar va jamoa xoʼjaliklari uning nomi bilan atalgan haqida gapirdi.

Tadbir davomida soʼzga chiqqan, Respublika maʼnaviyat va maʼrifat Kitob tuman boʼlimi rahbari Sattorova Gulandom Аdabiyotimizning yetuk namoyondalari hayoti va ilmiy faoliyati haqida yigʼilganlarga maʼruza qilib berdi.

Shundan soʼng talabalardan Saidov Аbdulmalik, Qurbonmurodov Аshobiddin, Isomxonov Hasan va Mahmayusupov Muhammadlar Аlisher Navoiy va Zahiriddin Muhammad Boburning gʼazal va ruboiylaridan oʼqib berishdi.

Tadbir soʼngida bilim yurtining 3-bosqich talabalari adiblar hayotiga bagʼishlangan sahna koʼrinishini namoyish qilib berdi.

Muzaffar Qosimov

Muallif: Админ
Sana: 08.02.2020
54
374

“Albatta, biz uni arabcha Qur’on qildik. Shoyadki, aql yuritsangiz”. (Zuxruf 3-oyat)

“Xoja Buxoriy” o‘rta maxsus islom bilim yurtining jonkuyar yosh pedagoglaridan Alibek domla To‘xtayevning sa’y – harakati bilan 1-kurs A guruhida qo‘shimcha o‘quv mashg‘ulotlari o‘tkazilib, 2019-2020 o‘quv yilining birinchi yarim yilligida talabalar sarf, shifohiya va mabda’ ul-qiroat kitoblarini to‘liq xatm qildilar.
Shu munosabat bilan joriy yilning 23 yanvar kuni bilim yurtida «Xatmul kutub» tadbiri bo‘lib o‘tdi. Unda bilim yurti mudiri O‘. G‘uzarov, o‘quv ishlari bo‘yicha mudir o‘rinbosari O‘. Mahmudovlar ishtirok etishdi.
Bilim yurti mudiri O‘. G‘uzarov guruh talabalarini «Xatmul kutub» munosabati bilan muborakbod etib, Respublikamizda so‘ng sharq tillarini, xususan, arab tilini o‘rganishga katta ahamiyat berila boshlangani, hozirgi kunda arab tili mamlakatimizdagi bir qancha oliy ta’lim dargohlarida ham o‘qitilib kelinayotgani shuningdek, arab tiliga ixtisoslashgan maktablar ham mavjudligini aytib, talabalarga arab tilini mukammal o‘rganish lozimligini ta’kidladi.
Shundan so‘ng guruh talabalariga ustozlari boshchiligida ezgu an’anani davom ettirgan holda arab tilining otasi hisoblanmish Durusun nahv kitobidan dars boshladilar. Bilim yurti mudiri O‘. G‘uzarov tabarrukan mazkur kitobni o‘qib boshlab berdilar.
Tadbir so‘ngida xatmi Qur’on o‘qilib, bilim yurtida xizmat qilgan marhum ustozlar va kitoblar muallifining haqlariga bag‘ishlandi. Shuningdek, bilim yurti mudiri tomonidan mazkur guruh talabalariga kitoblar hadya qilinib, keyingi o‘qishlarida Alloh taolo madadkor bo‘lishini tilab duolar qilindi.

Ma’lumot uchun: Bugungi kunga kelib arab va unga yaqin tilda muloqot qiluvchilar soni 300 millionni tashkil etadi. Ulardan 240 millioni uchun arab tili ona tilidir, 50 million kishi esa ikkinchi til sifatida ishlatadi. Butun dunyo musulmonlari uchun arab tili Qur’on tili bo‘lib hisoblanadi.
Xozirgi kunda arab tili Respublikamizning Toshkent Davlat Sharqshunoslik institutida, O‘zbekiston xalqaro islom akademiyasida, Imom Buxoriy nomidagi Toshkent Islom institutida va o‘rta maxsus Islom bilim yurtlarida asosiy fan sifatida o‘qitilsa, O‘zbekiston Milliy universiteti va Jahon tillari universitetining barcha fakultetlari, Toshkent Davlat pedagogika universitetining filalogiya va tarix fakultetlarida ham o‘qitilib kelinmoqda. Shuningdek, arab tiliga ixtisoslashgan maktablar ham mavjud.

Bilim yurti matbuot xizmati

Muallif: Админ
Sana: 25.01.2020
86